13 қазан — Бүкіләлемдік тыңайтқыштар күні. Осы күні, 1908 жылы, ауадан аммиакты синтездеу процесіне Габер-Бош патенті тіркелді. Аммиакты синтездеу технологиясы әлемдегі ауыл шаруашылығының дамуына үлкен ықпал етті. Бұл жаңалықтың арқасында миллиардтаған адамдар кедейшілік пен аштықтан құтқарылды.
Сонымен қатар, азық-түлік тұтыну қарқыны ауыл шаруашылығы жерлерінің көбею қарқынынан әлдеқайда жоғары екені айқын. ФАО мен БҰҰ-ның халықаралық ұйымдарының болжамы бойынша, 2050 жылға қарай әлемде азық-түлік тұтыну 70%-ға артады, ал ауыл шаруашылығы жерлері тек 10%-ға ғана ұлғаяды. Сондықтан жерді тиімді пайдалану маңызды. Мұнда аграршыларға минералды тыңайтқыш өндірушілер көмекке келеді. Минералды тыңайтқыштар әр гектар жерден алынатын өнімділікті арттыруға мүмкіндік береді.
Барша әріптестерді Бүкіләлемдік тыңайтқыштар күнімен құттықтаймыз және өркендеу, үздіксіз өсу мен амандық тілейміз!
