«КазАзот» аммиак селитрасының рекордтық көлемін өндірді
Компания дайын өнім шығарудан өз рекордын жаңартты: биылғы 11 ай ішінде 337 мың тонна аммиак селитрасы өндірілді.
Бұрынғы рекорд 2017 жылы тіркелген болатын. Ол кезде бір жыл ішінде 337 мың тонна аммиак селитрасы өндірілген еді.
«КазАзот» АҚ Бас директоры Арман Маулешевтің айтуынша, алда тағы бір ай бар, ол қосымша өнім өндіруге және көрсеткішті арттыруға мүмкіндік береді. Бас директор ұжымды рекордтық көрсеткішпен құттықтап, күнделікті адал еңбектері үшін алғысын білдірді.