Құрмет тақтасы
Муровцева Людмила Вениаминовна «Еңбек жолы» республикалық байқауының «Еңбекші жастардың үздік тәлімгері» номинациясының жеңімпазы.
Людмила Вениаминовна – жоғары білікті маман, оның еңбек өтілі 38 жылды құрайды. 1984 жылы жас маман Людмила Муровцева жұмысқа бөлу бойынша Маңғыстауға келіп, жұмысын Күкірт қышқылы зауытында бастады. 38 жыл ішінде Людмила Вениаминовна 4-разрядты зертханашыдан 60 адамнан тұратын ұжымы бар Сынақ орталығының басшысына дейінгі еңбек жолынан өтті.
Уақыт өте келе тәжірибе жинақталып, басшылықтың сенімі нығая түсті. Нәтижесінде, Людмила Вениаминовна сапа, экология, өндірістік санитария және радиациялық қауіпсіздік жөніндегі бас инженердің орынбасары лауазымына ұсынылды.
2009 жылы Людмила Муровцева Сынақ орталығының басшысы болып тағайындалды. Оның басқаруына 3 цехтық зертхана, техникалық бақылау бөлімі және экология бөлімі өтті.
