Құрмет тақтасы
2005 жылы Елена Анатольевна Кошевая Ш. Есенов атындағы Каспий мемлекеттік технологиялар және инжиниринг университетін «Мұнай және газ кен орындарын игеру» мамандығы бойынша аяқтады. Елена Анатольевнаның геология саласындағы еңбек өтілі 15 жылдан астам уақытты құрайды. Ол өз еңбек жолын 2005 жылы «Мұнай және газ ғылыми-зерттеу жобалау институты» АҚ (МұнайгазҒЗЖИ) мұнай-газ кен орындарын игеру департаментінің маманы болып бастап, төрт жыл ішінде аға ғылыми қызметкер дәрежесіне дейін көтерілді.
2009 жылы Елена Анатольевна «OPTIMUM» тәуелсіз сарапшы консалтингтік компаниясы» ЖШС жетекші маманы болып жұмысқа қабылданып, кейін бас маманға ауысып, компанияның қызмет басшысы лауазымына тағайындалды. Бұл жерде екі жыл жұмыс істегеннен кейін, Қызылорда қаласына ауысып, «Ай Дан Мұнай «СNPC» АҚ-ның бас геологы болып төрт жыл қызмет атқарды.
2015 жылы Елена Анатольевна туған қаласына оралып, «Шағырлы-Шөмішті» филиалының бас геологы болып жұмысқа қабылданды, мұнда бүгінгі күнге дейін еңбек етіп келеді. Елена Анатольевна әрдайым тәртіпті, жауапкершілігі жоғары маман ретінде белгілі. Ол өз біліктілігін үнемі арттырып қана қоймай, жас мамандарды да оқытып, оларға өз тәжірибесі мен білімін молынан бөліседі. Оның басшылығымен «Шағырлы-Шөмішті» газ кен орнын игерумен айналысатын геологтардан тұратын команда белсенді жұмыс жүргізуде.
– Жақсы геологтар сенімді адамдардан шығады, өйткені геологтың жұмысы көп қырлы. Жер бедері мен табиғат сырларын зерттеу ешқашан біржақты емес, сондықтан да «геология – жартылай ғылым, жартылай өнер» деп айтылады. Сондай-ақ, екі геолог болса, үш түрлі көзқарас болады деген пікір де бар. Бұл дегеніміз, біз үнемі қазып, анықтап, зерттеп, талдап отыруымыз керек, және жаңа ашылудың кілті – тынымсыз еңбекте! – дейді Елена Анатольевна.
